Edoardo Zuccato
A guârd' i radiugrafij dul mè có

A guârd' i radiugrafij dul mè có
e l'é 'mé vidéss bell e mortu.
Hinn di fóto in cü in aria:
sa fa i futugrafij par rigurdàss da quel gh'é staj
e qui chì par rigurdàss di robb ca da vignì:
la crapa la pâr 'na bala da cristall,
ma faj l'é facil 'mé fà 'l litrattu
dumà che chì sa vegn föa senza muntür,
sa vegn föa püssé che biótt.

Sun propri mi, ma vess sincer ma curgea nanca
sa ma dean quej d'un quaighidön d'òl
(ul Papa ul Stalén l'Agnelli un scimion).

M'hann tiâ gió in facia e da prufil
e g'hann mittüü sot' anca 'n nümar.
Ga n'ho mengh' in pó mi sa son nassü ü,
e pensea che dumâ i crabignér fasean inscì.

Da prufil a pari 'n fongiu, un fasö, 'na medüsa...
tan' par menga dì ca ma vegn in ment
i omann di temp di tucùll
o pegg ammó i müsón di scimi.

L'é mej guardàss in facia,
che par via di büs dul nâs, di öcc e j oltar macc
pararìss 'na lüna piena bela ciara den d'un canuciâl
sa l'ea no paj denc ch'ai fann pagüa
videj senza curnis, senza surìd.
Ma chi robb chì ma sumìan tropp a nön,
hinn no la mort
ca l'é pütòst ul scür in gir, ul ciel blö, l'aria...

Pôr ul mè Yorick, quanti scemâd ca te dì
e quan' d'oltar te 'n disaré ammó:
"da conservare con cura" (ul có)
"ed esibire" temé futugrafij dul passaport
par chel paes ca la vöran no.

'Demm, tàjala sü, l'é ua
da sataràt dentar ind un cassett
par b&uulm;t&uulm;àtt ai culumbâr,
c'ogni tant gh'é sciâ 'na Sciura cunt un pantó lis
e in föa 'l cü ca la rampega sü a guardà in gir
e leng un nomm e fà via a tera
temé 'n bibliuteca sa va sü a tö 'n libar du ültim ripian.

Guardo le radiografie della mia testa

Guardo le radiografie della mia testa
ed è come vedersi da morto.
Sono fotografie al contrario:
le foto si fanno per ricordarsi del passato
e queste per ricordarsi del futuro:
il cranio sembra una sfera di cristallo,
ma farle è facile come farsi fare un ritratto
solo che qui non esci elegante,
esci più che nudo.

Sono proprio io, ma a dire la verità non me ne sarei neanche accorto
se mi davano quelle di qualcun altro
(il Papa Stalin Agnelli un bestione).

Mi hanno preso di fronte e di profilo
e sotto ci hanno messo anche il numero.
Non è colpa mia se sono nato,
e pensavo che solo i carabinieri facessero così.

Di profilo sembro un fungo, un fagiolo, una medusa...
tanto per non dire che mi vengono in mente
gli uomini primitivi
o peggio ancora i musi delle scimmie.
Meglio guardarmi di fronte,
che per via dei buchi del naso, degli occhi e le altre macchie
potrei sembrare una luna piena bella luminosa in un cannocchiale
non fosse per i denti che fanno paura
vederli senza cornice, senza sorriso.
Ma tutto questo ci assomiglia troppo,
non è la morte
che piuttosto è come il nero attorno, il cielo blu, l'aria...

Povero Yorick, quante stupidaggini hai detto
e quante ne dirai ancora:
"da conservare con cura" (la testa)
"ed esibire" come foto del passaporto
per quel paese per cui non è richiesto.

Dài, piantala, è ora
di sotterrarti in un cassetto
per abituarti ai loculi,
che ogni tanto viene una Signora con il cappotto liso
e il sedere in fuori che si arrampica per guardarsi attorno
e leggere un nome e togliere la polvere
come in biblioteca si sale a prendere un libro dall'ultimo scaffale.

Bollettino '900 - Electronic Journal of '900 Italian Literature - © 1997

<http://www3.unibo.it/boll900/numeri/1997-ii/Zuccato.html>

Giugno-Dicembre 1997, n. 2